चवर्गजुष्टा वागीशी मोदिनी स्यात्तृतीयका
तवर्गेण तथोपेता पञ्चमी वाक्प्रधारणा
यादिवर्णचतुष्कोणे सर्वैश्वर्यादिवाङ्मयी
एता देव्यो जपरता मुक्ताभरणमण्डिताः
विनोदयन्त्यः श्रीदेवीं वर्तन्ते कुम्भसम्भवः
नायिका स्वस्य चक्रस्य सिद्धानाम्ना प्रकीर्तिता
वशिन्याद्यन्तरालस्योपरिष्टाद्विन्ध्यमर्दन
अस्त्रं चक्रमितिज्ञेयं तत्र बाणादिदेवताः
अङ्कुशद्वितयं दीप्तमादिस्त्रीपुंसयोर्द्वयोः
पाशद्वयं च दीप्ताभं चत्वार्यस्त्राणि कुम्भज
आहत्याष्टायुधानीति प्रज्वलन्ति विभान्ति च
पीतैरतीव तृप्तानिदिव्यास्त्राण्यति जाग्रति
वर्तन्ते ऽस्त्रान्तरे तत्र तेषां संख्या तु कोटिशः
कृपाणः पट्टिशं चैव मुद्गरं भिन्दिपालकम्
अष्टायुधमहाशक्तीः सेवन्ते मदविह्वलाः
धिष्ण्यं तु समयेशीनां स्थानं च तिसृणां मतम्
सैव निःशेषविश्वानां सवित्री ललितेश्वरी
वज्रेशी भगमाला च ताः सेवन्ते सहस्रशः
ताः सर्वास्तत्र सेवन्ते कामेशादिमहोदयाः
चक्रिणीनां योगिनीनां श्रीदेवी पूरणात्मिका
कामेश्यादिचतुर्थी सा नित्यानां षोडशी मता
समयेश्यन्तरालस्योपरिष्टादिल्वलान्तक
चतुर्नल्वप्रविस्तारं प्राग्वत्सोपानमण्डितम्
सर्वेषां मन्त्रगुरवः सर्वविद्यामहार्णवाः
सृष्टाः कामंशदेवेन तेषां नामानि मे शृणु
तैः सृष्टा बहवो लोकारक्षार्थं पादुकात्मकाः
प्राप्तसालोक्यसारूप्यसायुज्यादिकसिद्धयः
अथ नाथान्तरालस्योपरिष्टाद्धिष्ण्यमुत्तमम्
नित्यान्तरमिति प्रोक्तं नित्याः पञ्चदशात्र वै
नित्यक्लिन्ना अपि तथा भेरुण्डा वह्निवासिनी