लोकस्य संतानकराः पितृयानपथे स्थिताः
प्रारभन्ते लोककामास्तेषां पन्थाः स दक्षिणाः
संतप्तास्तपसा चैव मर्यादाभिः श्रुतेन च
पश्चिमाश्चैव पूर्वेषां जायन्ते निधनेष्वपि
अष्टाशीतिसहस्राणि ऋषीमाङ्गृहमेधिनाम्
क्रियावतां प्रसंख्यैषा ये श्मशानानि भेजिरे
इच्छाद्वेषप्रवृत्त्या च मैथुनोपगमेन वै
एतैस्तैः कारणैः सिद्धा ये श्मशानानि भेजिरे
नागवीथ्युत्तरो यश्च सप्तर्षिगणदक्षिणः
यत्र ते वासिनः सिद्धा विमला ब्रह्मचारिणः
अष्टाशीतिसहस्राणि ऋषीणामूर्द्ध्वरेतसाम्
ते संप्रयोगाल्लोकस्य मैथुनस्य च वर्जनात्
पुनश्चाकामसंयोगाच्छब्दादेर्देषदर् शनात्
आभूतसंप्लवस्थानाममृतत्वं विभाव्यते
ब्रूणहत्याश्वमेधाभ्यां पुण्यपापकृतो ऽपरे
उर्द्ध्वोत्तरमृषिभ्यस्तु ध्रुवो यत्र स वै स्मृतः
धर्मध्रुवाद्यास्तिष्ठन्ति यत्र ते लोकसाधकाः
भविष्याणि च सर्वाणि तेषां वक्ष्याम्यनुक्रमम्
सूर्याचन्द्रमसोश्चारं ग्रहाणां चैव सर्वशः
अव्यूहेन च सर्वाणि तथैवासंकरेण वा
एतद्वेदितुमिच्छामस्तन्नो निगद सत्तम
प्रत्यक्षमपि दृश्यं च संमोहयति यत्प्रजाः
उत्तानपादपुत्रो ऽसौ मेढीभूतो ध्रुवो दिवि
भ्रमन्तमनुगच्छन्ति नक्षत्राणि च चक्रवत्
सूर्याचन्द्रमसौ तारा नक्षत्राणि ग्रहैः सह
तेषां योगश्च भेदश्च कालश्चारस्तथैव च
विषुवद्ग्रहवर्णाश्च द्रुवात्सर्वं प्रवर्त्तते
शुभाशुभं प्रजानां च ध्रुवात्सर्वं प्रवर्त्तते
तदेष दीप्त किरणः स कालग्निर्दिवाकरः
सूर्यः किरमजालेन वायुयुक्तेन सर्वशः