रैवतं च वराहं च श्रीशैलं गन्धमादनम्
वाराणसीं प्रयागं च पुण्यं वृन्दावनं वनम्
चन्दनागरुकस्तूरीसुगन्धिकुसुमं तथा
कर्णाक्षिनासिकास्ये त्वं शलाकां च हिरण्मयीम्
सतिलं ताम्रपात्रं च धेनुं च रजतं तथा
ॐ कृत्वा दुष्कृतं कर्म्म जानता वाऽप्यजानता
धर्माधर्मसमायुक्तं लोभमोहसमावृतम्
इमं मन्त्रं पठित्वा तु तातं कृत्वा प्रदक्षिणम्
ॐ अस्मत्कुले त्वं जातोऽसि त्वदीयो जायतां पुनः
अग्निं देहि शिरःस्थाने हे भृगो भ्रातृभिः सह
अथ पुत्रं रेणुका सा कृत्वा तत्र स्ववक्षसि
अविरोधो भवाब्धौ च सर्वमङ्गलमङ्गलम्
अकर्तव्यो विरोधो वै दारुणैः क्षत्रियैः सह
आलोच्य ब्रह्मणा सार्द्धं भृगुणा दिव्यमन्त्रिणा
इत्युक्त्वा तं परित्यज्य कान्तं कृत्वा स्ववक्षसि
वह्निं ददौ चितायां च स रामो भ्रातृभिः सह
राम रामेति रामेति वाक्यमुच्चार्य्य सा सती
भर्तुर्नाम समाकर्ण्य तत्राजग्मुर्हरेश्चराः
शङ्खचक्रगदापद्मधारिणो वनमालिनः
रथे कृत्वा रेणुकां तां गत्वा ते ब्रह्मणः पदम्
तौ दम्पती च वैकुण्ठे तस्थतुर्हरिसन्निधौ
अथ रामो ब्राह्मणैश्च भृगुणा सह नारद
गोभूहिरण्यवासांसि दिव्यशय्यां मनोरमाम्
रत्नदीपं रौप्यशैलं सुवर्णासनमुत्तमम्
छत्रं च पादुके चैव फलं माल्यं मनोहरम् ब्राह्मणेभ्यो धनं दत्त्वा ब्रह्मलोकं जगाम सः
ददर्श ब्रह्मलोकं स शातकुम्भविनिर्मितम्
ददर्श तत्र ब्रह्माणं ज्वलन्तं ब्रह्मतेजसा
सिद्धैस्तपश्चान्द्रायणैर्ऋषीन्द्रैः परिवेष्टितम्
संगीतमुपशृण्वन्तं गीयमानं च गायकैः
तपसां फलदातारं दातारं सर्वसम्पदाम्