यः शूद्रेण समाहतो भोजनं कुरुते द्विजः
यः शूद्रेणाभ्यनुज्ञातः प्रेष्यकर्म करिति च
एवं बहुविधं पापं सुरापानसमं स्मृतम्
कन्दमूलफलानां च कस्तूरी पटवाससाम्
ताम्रायस्त्रपुकांस्यानामाज्यस्य मधुनस्तथा
क्रमुकस्यापिहरणमम्भसां चन्दनस्य च
पितृयज्ञपरित्यागो धर्मकार्यविलोपनम्
भक्ष्याणां चापहरणं धान्यानां हरणं तथा
भागीनीगमनं चैव पुत्रस्त्रीगमनं तथा
हीनजात्याभिगमनं मद्यपस्त्रीनिषेवणम्
भ्रातृस्त्रीगमनं चैव वयस्यस्त्रीनिषेवणम्
अकाले कर्मकरणं पुत्रीगमन मेव च
इत्येवमादयो राजन्महापातकसंज्ञिताः
यथाकथञ्चित्पापानामेतेषां परमर्षिभिः
प्रायश्चित्तविहीनानि पापानि शृणु भूपते
ब्रह्महत्यादिपापानां कथञ्चिन्निष्कृतिर्भवेत्
विश्वस्तघातिनं चैव कृतन्घानां नरेश्वर
शूद्रान्नपुष्टदेहानां वेदनिन्दारतात्मनाम्
सत्कथानिन्दकानाञ्च नेहामुत्रचनिष्कृतिः
नतस्यनिष्कृतिर्दृष्टाप्रायश्चितशतैरपि
तस्माद्विजस्तान्नेक्षेत यतो धर्मबहिष्कृताः
ज्ञात्वा चेन्निष्कृतिर्नास्ति शास्त्राणामिति निश्वयः
प्रायश्चित्तविहीनानि प्रोक्तान्यन्यानि च प्रभो
पापानि तेषां नरकान्गदतो मे निशामय
तदन्ते पृथिवीमेत्य सत्पजन्मसु गर्दभाः
आशताब्दं विट्कृमयः सर्पा द्वादशजन्मसु
शताब्दं स्थावराश्चैव ततो गोधाशरीरिणः
ततः षोडश जन्मानि शूद्राद्या हीनजातयः
प्रतिग्रहपरा नित्यं ततो निरयगाः पुनः
तत्र कल्पद्वयं स्थित्वा चाण्डालाः शतजन्मसु