अनेकजन्मचरितं खंडव्रतकदम्बकम्
अतः खण्डेश्वरो देवो विख्यातो भुवनत्रये 5.2.31.
खण्डव्रतानि पूर्णानि तेषामाशु भवंति हि तत्सर्वं पूर्णतां याति श्रीखंडेश्वरदर्शनात्
दृष्ट्वा खंडेश्वरं देवं पापविघ्नैः प्रमुच्यते
दृष्ट्वा खण्डेश्वरं देवं कृतकृत्यत्वमाप्यते
खंडेश्वरेऽर्चिते देवे सर्वे देवाः सवासवाः
देवं खंडेश्वरं ये वै यजंति श्रद्धया प्रिये
धूप दीपैर्नमस्कारैर्जपैः स्तोत्रैः पृथग्विधैः
दीर्घायुषः शुभाचारा जायंते देहिनोऽमलाः खंडेश्वरप्रसादेन जायंते नात्र संशयः
एते च विष्णुब्रह्मेंद्रकुवेरदहनादयः
एष ते कथितो देवि प्रभावः पापनाशनः
विद्धि सिद्धिप्रदं पुंसां पत्तनेश्वरमीश्वरम्
पुराऽहं पर्वते देवि मंदरे चारुकन्दर्
किमर्थं पर्वतं त्यक्त्वा कैलासं रमणीयकम्
सिद्धचारणगन्धर्वकिंनरोद्गीतनादितम्
अथ कोकिलचक्राह्वचकोरकुरराकुलम्
महाकालवने शून्ये नानागुल्मलतावृते
ऋक्षवानरगोमायुजन्तुकादिविराजिते
कथं वासः कृतो देव कौतूहलमिदं मम
इति पृष्टस्त्वया देवि मंदरे चारुकन्दरे
महाकालवनं रम्यं स्वर्गात्सुखकरं परम् 5.2.32.
अनौपम्यगुणं विद्धि पत्तनं पर्वतात्मजे गीतवादित्रचातुर्यैः स्पर्द्धते यः सुरालयम्
एतस्मिन्नंतरे देवि देवर्षिर्नारदो मुनिः
विनोदार्थं मया पृष्टस्त्वत्प्रियार्थं कुतूहलात्
कस्मिन्नाश्रमसंस्थाने तपसः संचयः कृतः
कौतुकं दृष्टपूर्वं तु वद मे मुनिसत्तम कथयामास वृत्तांतं पत्तनस्य प्रयत्नतः
बहूनि संपरिक्रम्य तीर्थान्यायतनानि च
अटनार्थं महादेव जंबूद्वीपे मनोरमे
स्वेच्छाकल्पितविन्यासः प्रासादशतकल्पितः
सर्वर्तुकुसुमामोदसुखस्पर्शानिलावृतः